Анкара: Вчера убиените борци на ИД подготвувале напад на конгресот на Партијата на правдата и развојот
Борците на Исламска држава, кои вчера беа убиени во Анкара, подготвувале напад за време на конгресот на владејачката Партија на правдата и развојот (АКП), соопшти денеска валијата на Анкара, Ерџан Топаџа, пренесе ТАСС.
- Двајцата убиени терористи планирале напад за време на конгресот на АКП, рече Топаџа.
Претходно беше кажано дека еден од терористите е азербејџански државјанин.
Антитерористичката операција беше извршена вчераутро во општински станбен комплекс во квартот Етимесгут, во турската престолнина. Полицијата упадна во апартманот, каде се наоѓале борците. Терористите отвориле оган врз полицајците, и во престрелката биле убиени. При претресот на станот биле откриени рачни гранати, оружје и рачно изработени експлозивни направи со голема моќност.
На вонредниот конгрес на АКП делегатите вчера гласаа за враќање на претседателот Реџеп Тајип Ердоган на лидерското место во партијата.
Ново на Сител
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите