Анѓушев: Дигитализација за поголема конкурентност на компаниите
Истражувањата покажуваат дека дигитализацијата на компаниите е корисен процес и дека оние компании кои спровеле дигитална трансформација прикажуваат раст од 26 отсто, рече вицепремиерот за економски прашања Кочо Анѓушев во обраќањето на панелот „Живееме во дигитално време: Визии и реакции на инвеститорите“ на „Виенскиот економски форум: Дијалог за иднината“.
- Во овој момент дигиталното работење на компанииите од Република Македонија и од Западен Балкан изнесува во просек 10 отсто од вкупното работење на компаниите, но позитивно е тоа што 63,3 отсто од фирмите сметаат дека дигитализацијата претставува можност за унапредување на нивниот начин на работа и токму тука се гледа потенцијалот од натамошна дигитализација на стопанството, порача Анѓушев.
Сопствениците на компаниите, додаде, мора да бидат свесни дека ако сакат да бидат конкурентни на меѓународните пазари, нивните компании мора да бидат во чекор со процесот на дигитализација.
- Тоа не е само начин на живеење или тренд, дигитализацијата е предуслов да бидете дел од економските односи, во спротивно сте надвор од играта. На бизнисот му требаат реални податоци во реално време, а тоа е само дел од она што дигитализацијата го овозможува. Владата на Република Македонија силно го поддржува овој процес, особено кај малите и средните претпријатија. Со комплетирање на процесот на дигитализација во компаниите, се намалуват трошоците, компаниите стануваат ефикасни и ефективни, а сето тоа резултира со зголемување на нивната конкурентност, потенцираше вицепремиерот Анѓушев.
Економскиот форум се одржува денес во Новаматик центарот во Виена, а на него присуствуваат голем број на претставници од бизнис заедницата во Република Австрија.
Ново на Сител
-
Од утре дел од образовните асистенти почнуваат со работа
-
Игротеките и училиштата ризик за ширење на заразни заболувања помеѓу децата
-
СДСМ: Мицкоски понуди платформа што самиот не ја почитува
-
ВМРО-ДПМНЕ повика ДКСК и ЈО да го проверат имотот на Филипче
-
ДЗС остана само со еден функционален „Ер трактор“
-
Не се знае кога ќе се делат ваучерите за инвертери
-
Протекува кровот на штипскиот Народен театар, а недостасува и технички кадар
-
Преглед на вести од светот