Американски новинар и неговиот преведувач убиени во Авганистан
Американскиот новинар и фоторепортер Дејвид Гилки и неговиот преведувач Забихулах Тамани се убиени во Авганистан, откако нивното возило упаднало во заседа.
Тие се движеле заедно со војници на авганистанската армија, кога се нашле под вкрстен оган.
Возилото во кое биле Гилки и неговиот преведувач било погодено со минофрлачка граната. Во нападот на бунтовничките сили, загинал и возачот на возилото.
Гилки (50) е ветеран на американскиот фото-журнализам и тој во текот на својата кариера ги има покривано воените дејствија во Ирак и Авганистан, по терористичките напади врз Њујорк и Вашингтон, од 11 септември 2001 година.
Во текот на минатата година со камера и текстови ги следеше и настаните во врска со смртоносниот вирус ебола во Западна Африка.
Во 2007 година ја доби наградата „Еми“ за видео серијата за американските војници во Ирак, а во 2011 година е прогласен од Белата куќа за фоторепортер на годината.
Неговиот преведувач, Авганистанецот Тамани е исто така новинар и фоторепортер.
Ново на Сител
-
Лидерот на турската опозиција, Озгур Озел, нападнат од поранешен затвореник кој ги убил своите две деца | ВИДЕО
-
Трамп: Нема да ги укинам царините за Кина за да го доведам Пекинг на преговарачка маса
-
Американски бискуп бара Трамп да се извини што се прикажа како папа
-
Чествување на Денот на македонскиот јазик и 80-годишнината од кодификацијата на македонскиот стандарден јазик
-
За денеска се очекува средба Мицкоски-Таравари, тема функционирањето на Алијанса за Албанците во Владата
-
Трамп повторно го отвора озогласениот затвор Алкатраз
-
Зеленски: Поединци го блокираат пристапот на Украина кон ЕУ за да добијат место на Црвениот плоштад
-
Штрајк на вработените во судството во Србија