Албанскиот Парламент на вонредна седница ќе ги гласа новите министри
По барање на премиерот Еди Рама, албанскиот Парламент утре на вонредна седница треба да ги изгласа промените во Владата, што неочекувано ги направи во последните денови од 2020 година.
Законодавниот дом по новогодишните и божиќните празници со работа требаше да почне на 18 јануари за кога е закажана пленарна седница, но поради потребата за избор на новите министри утре ќе одржи вонредна седница.
Четири месеци пред парламентарните избори, што треба да се одржат на 25 април, премиерот Еди Рама одлучи да направи промени во кабинетот, со кои Олта Џачка (42), актуелната министерка за одбрана, ќе биде нова шефица на дипломатијата, додека на нејзино место доаѓа Нико Пелеши (51).
Претседателот Илир Мета по добивањето на предлогот од страна на Рама, ја потпиша уредбата за овие министри, а по нивното изгласување во Парламентот заклетва треба да дадат пред шефот на државата.
Џачка доаѓа на местото на досегашниот овластен министер за Европа и надворешни работи, косовецот Гент Цакај, за кого Мета во јануари минатата година не ја потпиша уредбата, па Рама ја презеде и оваа функција, а Цакај беше овластен министер.
Во средината на ноември, во кабинетот на премиерот Рама за нов министер за внатрешни работи е назначен Бледи Чучи, по оставката на Сандер Лешај, по масовните протести во земјата по убиството на 25-годишниот Клодијан Раша од страна на полициски специјалец. На негово место во Министерството за земјоделство и рурален развој, Рама ја именува Милва Економи.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден