Албанија: Власта апелира до опозицијата да гласа за изборните реформи
Албанската владејачка социјалистичка партија упати апел до опозицијата да гласа за изборните реформи.
Преку координаторот на пратеничката група, Таулант Бала,социјалистите потсетуваат дека „тоа не е само внатрешна потреба на земјата,туку задача добиена од Советот на Европа“.
-Советот на Европа ни зададе домашни задачи, меѓу нив и изгласување на изборната реформа. Ние ја извршивме нашата должност. Мнозинството има задача да достави предлог. Затоа, сакам да ја повикам Демократската партија да дојде во Парламентот на 14-ти февруари и да гласа за изборните реформи, изјави Бала.
Според него во Предлог-законот се внесени сите барања на Демократската партија кои ги поставувала во јавноста или на средби со меѓународни претствници.
-Во законот се внесени сите барања на Демократската партија, електронското гласање, електронското броење итн. На опозицијата и дадовме бел лист за да напише што сака да стои во изборната реформа. Но тоа никогаш не се случи,- рече Бала.
Во меѓувреме опозицијата последниве денови одржува средби и протести низ земјата, апелрајќи на масовност на големиот антивладин протест закажан за 16 февруари „за рушење на Владата на Еди Рама,форморање преодна влада и спроведување предвремени парламентарни избори“.
Ново на Сител
-
Тема на денот со отец Горан Стојчевски
-
Верниците го слават Велигден, црквата со порака за национално обединување и надминување на разногласијата
-
Со биење на камбаните најавено Христовото воскресение во Охрид
-
Вообичаен број интервенции на скопската Брза помош за продолжениот празничен викенд
-
Ден на македонскиот јазик
-
Групацијата за осигурување во вторник носи одлука дали ќе ги врати парите за полисите на граѓаните кои платија поскапо
-
Политичарите испратија пораки за мир и спокој на Велигден
-
Парламентарни избори 2024