Адеми: Немаме намера никого од дијаспората со сила да го тераме да гласа
Немаме намера никого од дијаспората со сила да го натераме да гласа на избори, изјави денеска министерот задолжен за дијаспора Едмонд Адеми, одговарајќи на новинарско прашање по презентацијата на Националната стратегија за соработка со дијаспората за периодот 2019-2023 година.
– Правото на глас е право на секој државјанин на Република Северна Македонија и на оние што живеат надвор од државата тоа право им следува како уставно загарантирано право. За разлика од минатото кога за уши се влечеа амбасадори од врата на врата да ги попишуваат луѓето за да гласаат, оваа Влада има поинаков пристап. Ниту јас, ниту оваа Влада има намера некого со сила да го тера да учествува на избори, рече Адеми.
Инаку, со Националната стратегија за соработка со дијаспората се очекува да се унапреди институционалната, економската и културната соработка со иселениците. Изработена е во консултација со претставници на организациите од дијаспората, НВО и експерти. Во 2021 година планирано е да се направи ревизија со цел да се увиди кои елементи од Стратегијата можат да се подобрат. Покрај Стратегијата, усвоен е и Акциски план за нејзино спроведување.
– Од независноста досега, ова се први документи усвоени од страна на една влада во насока на воспоставување на институционална соработка со дијаспората. Овие документи претставуваат основа за институционално поврзување на државата и дијаспората наспроти партизацијата во дијаспората практикувана во минатото, рече Адеми.
Ново на Сител
-
Економистот со амбиција да биде лидер на СДСМ | Јован Деспотовски | Неформално | Sitel Podcast 049
-
Викдендов сончево и топло, од вторник повторна дестабилизација на времето
-
Прилепчанец три години ги силувал своите две малолетни ќерки
-
Штипјанец ја претепал својата мајка, па и се заканил, а потоа искршил дел од покуќнината
-
Скопјанец претепан од обезбедувањето на казиното во кое се наоѓал
-
Избувна пожар во куќа во Арачиново
-
Поскапува мазутот
-
Визер: Одложувањата и откажувањата на летовите низ европската авио индустрија последица на временските услови