АБА-2: МЗТ со важна гостинска победа кај Сплит

Македонскиот кошаркарски тим МЗТ Скопје оствари победа на гостувањето кај Сплит со 76-78 (39-46) во меч од 17-тото коло од АБА-2 лигата. З

За тимот од Аеродром ова беше 12-та победа сезонава со што го задржа второто место на табелата и е чекор поблизу до Ф4-турнирот.

Екипата на Ѓорѓи Кочов одигра слаба прва четвртина, по која губеше со 7 разлика (29-22), но во вториот дел тргна шутот за три поени, а на одмор се замина со водство на „металците“ од 39-46.

Третата четвртина заврши со иста предност за нашиот тим (52-59) а во последниот дел домаќините направија пресврт и поведоа со 72-68 на 4 минути до крајот, но Симоновски и Иванов со тројки ја вратија предноста.

При резултат 76-78 за тимот од Скопје, Калајџиќ промаши шут за израмнување и победата замина кај тимот од Аеродром.

Во следното коло од регионалната лига, македонскиот тим ќе биде домаќин на Вршац на 30 јануари.