46 земјотреси за еден час во Албанија, најсилниот почувствуван и кај нас
Серија земјотреси ја погодија денеска Албанија, при што предизвикаа материјална штета и паника меѓу населението.
Според Рапо Ормени од Сеизмолошкиот институт во Тирана по првиот потрес почувствуван во 11:02 часот, па се до 12 часот, почуствувани се 46 потреси со различна јачина.
– Првиот потрес беше со јачина од 5,2 степени според Рихтер на 31 километар северозападно од Тирана, во подрачјето на заливот Лалзи кај Драч, на длабочина од 10 километри. Можни се и понатаму потреси со помала јачина се додека се смири тлото, изјави Ормени.
Поради паниката голем број граѓани се надвор од своите домови, институциите не работеа повеќе од еден час бидејќи вработените беа надвор, а прекин имаше и во телефонската мрежа. Засега нема информации за повредени но веќе се евидентират оштетувања на објекти. Земјотресот беше почувствуван и во Македонија, Црна Гора и на Косово.
Албанското Министерство за одбрана отвори посебна телефонска линија каде граѓаните може да се јавуваат за било каква информација или потребна помош.
Во сета паника, социјалните мрежи реагираа со иронија, бидејќи местото каде што е најсилниот земјотрес е едно од најубавите на албанскиот брег и го имаат „запоседнато“ политичарите со луксузни вили вредни милиони евра.
– Бог знае каде ја тресе земјата, онаму каде што треба, е најчестиот коментар на социјалните мрежи.
МИА
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата