18 години затвор за возачот кој пијан ја усмрти 11 годишната Магдалена во Велес
Возачот Ангелчо Николов кој ја прегази 11-годишната Магдалена и ја усмрти, доби 18 години затвор за двете дела за кои се гонеше од Обвинителството. Тој доби и забрана за управување со моторно возило. На Николов му е изречена мерка притвор бидејќи судот сметаше дека тој може да избега ако биде на слобода.
Судијките посочија дека во предвид ги зеле последиците, смртната последица, однесувањето на сторителот откако ја прегазил Магдалена и нејзината мајка, како и умислата. За судот немаше олеснителна околност во тоа што по 30 часа возачот се сам се јави во полиција, а откако претходно беше во бегство. Тој бил и претходно казнуван за сообраќајни прекршоци и му била одземана возачката
„Признанието на вина го земавме како олеснителна околност но како придонес за полесно завршување на постапката. Не го зема како околност како позитивен став, односно судот не процени дека има искрено каење“, кажа судијката.
Судијката објаснуваше и за висината на казната.
„Тешки дела против безбедноста на луѓето и имотот во сообраќајот е предвидена казна од најмалку четири години, што значи дека затворот не може да биде подолг од 20 години. За неукажување помош на лице повредено во сообраќајна незгода е предвидена парична казна или казна затвор до една година. Во однос на одмерување на санкцијата, судот нема апсолутна слобода, туку има законски пропишана казна согласно Кривичниот законик. Судот не носи закони, туку спроведува закони“, кажа судијката.
Возачот што пијан ја усмрти 11-годишната Магдалена Иванова во Велес и потоа се даде во бегство, на првото рочиште призна вина за делото. Ангелчо Николов пред судот рече дека признанието го дава доброволно и без никаква присилба.
Ново на Сител
-
Дејвис куп: Македонија стартуваше со максимални 3:0 против Малта
-
Пониква станува рехабилитациски центар за повредените од трагедијата во Кочани
-
Маринците пристигнаа во Лос Анџелес, но сè уште немаат наредба да интервенираат
-
Бројот на жртвите од масакрот во Грац се искачи на 11
-
Црвениот тепих од Канскиот фестивал се продава по едно евро за килограм
-
Витаминот Д може да спречи 30.000 смртни случаи од рак годишно, покажуваат истражувања
-
Тежина, звук и дамка: Клуч за избор на совршена лубеница
-
ЈСП Скопје: Средношколците имаат право на бесплатен јавен превоз за време на летниот распуст