ЗОИ: Хирано „златен“ во халфпајп, Вајт без медал

– Со фантастичен настап во последното, трето возење, во натпреварувањето во сноубординг во дисциплината халфпајп на Зимските олимписки игри (ЗОИ) во Пекинг, Јапонецот Ајуму Хирано го освои својот прв златен олимписки медал во кариерата, додека легендарниот Американец Шаун Вајт во својот последен олимписки настап остана без одличје.

Сребрениот медал го освои Австралиецот Скоти Џејмс, додека бронзата му припадна на Јан Шререр од Швајцарија.

Легендарниот 35-годишен Вајт својот петти, и последен настап на ЗОИ, го заврши на четвртото место и остана со три златни медали во кариерата, освоени на Игрите во Торино 2006, Ванкувер 2010 и Пјонгчанг 2018.