Зголемен водостојот на акумулациите Калиманци и Градче

Зголемениот водотек на реките во Источниот регион придонесе да се зголеми и нивото на акумулирана вода во акумулациите Калиманци и Градче крај Кочани. Како што истакнуваат од Водстопанската подружница „Брегалница“ од Кочани состојбата со акумулациите во регионот е стабилна.

- Во акумулацијата Калиманци од 7 до 12 часот во текот на денешниот ден дотокот на вода изнесува 99 метри кубни во секунда, и досега се акумулирани 114.922.400 метри кубни вода. Во акумулацијата Градче состојбата е поинаква. Таа е на 21 сантиметар од прелив, а дотокот на вода изнесува 5 метри кубни во секунда. Во Градче се акумулирани 2.181.500 метри кубни вода, изјави Николчо Гоцев, директор на Водостопанство „Брегалница“ од Кочани.

Од Кочанското водостопанско претпријатие истакнуваат дека будно ја следат состојбата со реките и водостеците во регионот и полнењето на акумулациите Калиманци и Градче. Престанокот на врнежите ќе го намали и водстојот на реките Брегалница и Кочанска Река.