Вонредна прогноза: Големо невреме се подготвува во Македонија

Нестабилно облачно време со поројни врнежи од дожд, грмежи и засилен ветер кон крајот на денот велат од УХМР.

Македонија ќе биде под влијае на влажна и нестабилна воздушна маса од Медитеранот. Во текот на ноќта кон петок, соопшти УХМР, се очекува процесите да бидат поинтензивни локално и во форма на невреме со обилни врнежи од дожд од над 25 литри на метар квадратен воден талог и појава на град.

Максималната температура ќе биде во интервал од 23 до 29 степени, а вредноста на УВ индексот ќе изнесува 5.