Во Велешта автобус удри велосипедист

На регионалниот пат Струга - Дебар, во село Велешта, вчера попладне околу 17 часот се случила сообраќајна незгода меѓу автобус „Сетра“ со охридски регистарски ознаки, управуван од С.К.(1971) од Велешта, и велосипед со мотор „Томос“ без регистарски ознаки, управуван од Б.А.(1964) од село Корошишта.

Во незгодата, возачот на велосипедот со мотор се здобил со фрактура на ребра по што е пренесен во Медицинскиот центар - Струга од каде е префрлен во Болницата Св.Еразмо-Охрид, но поради сериозноста на повредите е префрлен во УЦ-Скопје.

Увид на местото на настанот изврши екипа од Полициската станица -Струга.