Во Турција уаспени уште 44 лица за тероризам

Турската полиција соопшти дека се уапсени 44 луѓе поврзани со курдски екстремисти под сомневање дека планирале терористички напади. Меѓу нив се и две лица осомничени дека учествувале во два напада во Истанбул во минатата година.

Гувернерот на Истанбул Васип Сахин изјави дека уапсен е осомничен за организирање напад што се случи лани во декември на фудбалски стадион во кој 46 луѓе загинаа и лице осомничено дека организирало напад врз полицијата во јуни лани.

Според него, апсењата во Истанбул и уште во четири турски провинции спасиле градот од сериозни напади.