Уште еден голем пожар во Лондон, гори станбен комплекс во изградба

Голем пожар избувна денеска во станбениот комплекс во изградба „Бау Варф“ во источниот дел на Лондон.

Лондонската противпожарна служба на Твитер објави дека во гаснењето на пожарот учествуваат околу 80 противпоажрни возила.

Во соопштението се посочува дека пожарот избувнал на четвриот кат на петканата зграда.

Меѓутоа, електронското издание на весникот „Дејли Експерс“ објави фотографија на која се гледа како гори покривната констукција на комплексот.

Причините за пожарот засега не се познати.

Комплексот „Бау Варф“ се наоѓа крај каналот Риџенс и становите во него се продаваат по цена од над еден милион фунти.