Трагедија кај преминот Богородица - згасна млад живот

Трагедија се случила утринава кај преминот Богородица, откако автомобил удрил во ограда возачот починал на лице место.

Според информациите на МВР, утринава  околу 03,00 часот на делницата од автопатот Граничен премин Богородица–Гевгелија, патничко моторно возило “Мерцедес“ со гевгелиски регистерски таблици управувано од М.К.(27) од с.Богородица удрило во металната заштитна ограда.

Во незгодата на самото место починал  М.К.,  додека сопатникот во возилото М.П. (26) од с.Богородица се здобил со тешки телесни повреди и како итен случај со возило на Итна медицинска помош од Јавната здравствена установа Гевгелија бил пренесен во Комплексот клиники “Мајка Тереза“ во Скопје.

Извршен е увид, се работи на целосно расчистување на случајот.