Тетовец повреден со нож

Дваесетгодишен тетовец вчера бил нападнат и повреден со нож од двајца малолетни сограѓани.

Како што соопшти МВР, вчера во 22:45 часот во СВР Тетово, И.Џ пријавил дека истиот ден околу 20 часот, по кратка расправија, физички бил нападнат од двајца четиринаесетгодишни малолетници. Истите со нож му нанеле видливи повреди во пределот на десната страна од главата и левата рака.

На И.Џ. му била укажана лекарска помош во Клиничка болница Тетово. 

Во СВР Тетово биле повикани родителите на децата и се преземаат мерки за целосно расчистување на случајот.