Тешко повреден мотоциклист во сообраќајна несреќа во Велес

Сообраќајна несреќа се случила во текот на вчерашниот ден во Велес откако се судриле патничко возило „дачиа“ и мотоцикл „априлија“.

На 24.12.2021 околу 11.30 часот во Велес на крстосница од ул.„АСНОМ“ со ул.„Андон Шурков“ се случила сообраќајна несреќа помеѓу патничко моторно возило „дачиа“ со велешки регистарски ознаки, управувано од Л.Д.(65) од Велес, и мотоцикл „априлија“ со скопски регистарски ознаки, управуван од Љ.С.(45) од Велес. Љ.С. се здобил со тешки телесни повреди и укажана му е лекарска помош во Општа болница Велес. Увид на лице место извршила екипа на СВР Велес.