Состанок на Ердоган со Путин, Макрон и Меркел за Сирија на 5 март

Претседателот на Република Турција Реџеп Таип Ердоган  најави дека на 5 март ќе се состане со рускиот претседател Владимир Путин, претседателот на Франција Емануел Макрон и германската канцеларка Ангела Меркел. Тема на состанокот ќе биде состојбата во Сирија, јави Анадолија.

Ердоган го посети местото Бергама, во близина на Идлиб, каде се обрати пред собраните граѓани. Потсети дека во текот на последните телефонски разговори со лидерите на Русија, Франција и Германија ја пренел решителноста на Турција за решавање на прашањето за Идлиб.

– Повторно ќе се состанеме на 5 март и ќе разговараме за тие теми, рече Ердоган.

Ердоган изјави дека за ситуацијата во Идлиб разговарал со Путин, Макрон и Меркел и дека по неопходните проценки за ситуацијата во Сирија е дефинирана мапата на патот.