Сириската опозиција побара гаранција за примена на примирјето

Сириската опозиција побара гаранција за применување на примирјето, кое  ќе стапи во сила приквечер.

- Сакаме да знаеме какви се гаранциите. Се надеваме дека ќе има гаранции и сакаме гаранции конкретно од САД, кои се дел од договорот за примирјето, изјави Салем Меслет, претставникот на опозицискиот сириски Висок комитет за преговори. 

Примирјето беше објавено во петокот, по недела на преговори меѓу САД и Русија, кои ги поддржуваат соодветно опозицијата и режимот. 

Запирањето на огнот беше објавено во моментот кога бунтовниците се соочуваат со потешкотии на теренот, по загубата на последната борба во Алепо.

- Каква е избраната дефиниција за тероризам и каков ќе биде одговорот во случај на нарушување?, праша Меслет. 

Режимот кој ги определи како терористички сите групи, кои кренале оружје против него, независно дали станува збор за умерени исламисти или џихадисти. 

- Се обидуваме да го разгледаме целиот договор. За нас е многу важно да знаеме колку сите земји се ангажирани во него, и особено земјите кои стојат зад него, истакна Меслет. 

- Ќе го применува ли Русија? Ќе го применува ли режимот и ќе ги сопре ли бомбандирањата и криминалите?, нагласи тој.