Симовски за техничката грешка: Се случи и не можеме да го вратиме филмот назад

Директорот на Државниот завод за статистика Апостол Симовски вечерва во Тема на денот на Сител се осврна на податоците од верската определба и техничката грешка која ја искорегирале.

- Во однос на верската определба искорегиравме една техничка грешка која што ја направивме првиот ден на објавување на соопштението. Ни се промакна да не приметиме дека сме направиле пермутација во полето за атеисти и евангелисти методисти. Луѓе сме и ние од крв и од месо и може да се погреши а човечки е и да си ја признаеме грешката и да се извиниме. Апсолутно ни е жал што настана таква грешка и затоа си ја признаваме и се извинуваме. Не сакавме тоа да се случи, меѓутоа се случи, не можеме да го вратиме филмот назад, рече Симовски.