Штипски „Исар“ ги обновува дрворедите низ градот

Штипското комунално претпријатие „Исар“ ги обновува дрворедите низ населбите. Директорот на ЈП „Исар“-Штип Живко Тасев на денешната прес-конференција истакна дека веќе се засадени 110 садници од јасен.

- Засадени се 40 садници покрај патеката на реката Брегалница, 15 садници од населбите Сењак до Баби, 35 садници од основното училиште „Димитар Влахов“ до населбата Баби и 20 садници од поранешното Нервно одделение до спортската сала „Јордан Мијалков“, рече Тасев.

Тој истакна дека ќе излезат во пресрет и на барањата на останатите урбани заедници во Штип, а садниците се одгледани во расадникот на ЈП „Исар“. Тасев најави дека во текот на наредниот период ќе имаат и организирани еколошки акции.

Тасев на прес-конференцијата апелираше и граѓаните да внимаваат како ја фрлат пепелта во контејнерите, бидејќи секојдневно имаат штети. Штипски „Исар“ годишно трпи штета од 10.000 евра.