СЕХА: Македонското дерби за Вардар

Вардар минимално го совлада Металург 25-24 (13-13) во македонската пресметка одиграна во регионалната СЕХА лига.

 

Вардар успеа да победи во „БорисТрајковски“ иако не импресионираше со играта. „Црвено-црните“ најчесто без во предност, но никако не успеваа да го најдат вистинскиот ритам во нападот со кој ќе го скршеа отпорот на Металург, чии млади играчи одиграа храбро и без многу респект кон противниците.

 

Вардар во финишот на мечот влезе со предност од четири гола 23-19, но му дозволи на Металург целосно да се врати во мечот, а Талески со два гола донесе израмнување 24-24 во 57.минута. Потоа возврати Душебаев за водство на Вардар, а Металург лошо го одигра последниот напад и обидот на Костески го одбрани Ангелов.

 

Голманот на Вардар, Ангелов, одбрани 12 удари, а блескаше неговиот колега од Металург Арсиќ со 15 интервенции. Стрелците кај Вардар ги предводеа Душебаев со седум, Дибиров со пет и Карачиќ со пет голови. Најефикасни играчи на Металург беа Талески и Младеновиќ со по пет голови.