Се чисти коритото на реката Серава

Општина Бутел соопшти дека интензивно работи на чистење на реката Серава. По третпат се чисти делницата од мостот во Радишани до мостот кај ОУ „Св. Климент Охридски“. Станува збор за должина од 5 километри. кои во наголем дел имаат регулирано речно корито.

Реката се чисти од бујната вегетација, како и од наносите мил, песок и отпад што граѓаните го фрлаат во реката.

Општина Бутел во изминативе десет години редовно го чисти коритото на реката Серава, како превентива од поплави, какви што во минатото имало на нејзината територија.

За овој проект ќе бидат потрошени 800 000,00 ден.

Средствата се обезбедени од буџетот на општина Бутел.