СДСМ: Преспа форумот ја потврди силната меѓународна поддршка, продолжуваме со интеграција кон ЕУ

Нашата држава како никогаш досега сведочеше на силна поддршка од нашите сојузници од западниот свет.

Сите наши најважни меѓународни сојузници, во срцето на словенската писменост – Охрид, потврдија дека македонскиот идентитет и јазик се прашање кое е затворено и кое не може да биде услов за напредокот кон ЕУ.

На целиот свет јасна му е нашата цврста определба да не се задира во македонскиот идентитет и јазик во изнаоѓањето решенија за продолжување на патот кон ЕУ.

Ставовите на СДСМ, на Владата се јасни и повеќе пати повторени како дома така и надвор –интеграција во ЕУ само како Македонци, со потврден македонски јазик и идентитет.