Русија покани експерти од НАТО во Москва за консултации за безбедноста

Русија покани експерти од НАТО во Москва на дискусија за прашање за безбедноста во Европа, а најмногу за летовите над Балтичкото Море, соопшти вчера руското Министерство за одбрана.

- Воени експерти се поканети во Мосова во септември на консултации за воено-политичката ситуација во Европа, изјави вчера заменик-министерот за одбрана Анатолиј Антонов. 

Според Антонов руската делегација на седницата на Советот Русија-НАТО предложила „позитивна програма“ за развој на односите со Алијансата.

- Нејзиното реализирање би помогнало во намалување на тензиите и спречување на воени инциденти по линијата каде вооружените сили имаат допир, додаде тој. 

Антонов нагласи дека како приоритетна задача во таа сфера руското Министерство за одбрана ја смета подготвеноста на взаемна основа да се извршуваат летови на воената авијација над Балтичкото Море само со вклучени транспордери.

- За таа цел експерите од НАТО и од балтичките држави, кои не се членки на Алијансата се поканети во Москва на консултации и изготвување на усогласени мерки за реализирање на таа иницијатива на финскиот претседател Саули Нинисто. 

На почетокот на јули рускиот претседател Владимир Путин на заедничка пресконференција со Нинисто изјави дека Русија го поддржува предлогот на Финска за забрана на летови над Балтичкото Море на авиони со исклучени транспордери.