Ристовски на средби со граѓани во Тетово

Најголем дел од моите активности во изборите ги имам во Изборната единица 6, така со задоволство секогаш доаѓам во Тетово, рече на денешните средби со тетовци Спиро Ристовски од ВМРО-ДПМНЕ.

- Дојден сум да поразговараме околу досегашната имплементација на Програмата, проблемите со коишто се соочуваат граѓаните на општина Тетово коишто се од исклучително значење за нив во делот на секојдневното функционирање, а исто така и да поразговараме и во насока на следните приоритети коишто како партија, како влада ќе ги имаме во периодот што следува и секако на еден начин сето тоа да го заокружиме прво со една голема победа на 11 декември кога народот на Република Македонија ќе го даде вистинскиот одговор, во однос на деструкцијата која што две години на еден начин ја креираше опозицијата и го измачуваше народот во РМ, рече Ристовски.

На 11 декември, како што нагласи, со најголемата поддршка на народот ќе успееме да победиме, да оствариме историска победа, да обезбедиме 63 пратенички мандати заради утврдување и постигнување и понатамошно имплементирање на јасните програмски цели и приоритети на нашата партија. - На тој начин да обезбедиме стабилна влада која што ќе обезбеди на еден начин продолжување на сите реформи, но и отпочнување на многу нови коишто ќе значат развој на Република Македонија на секое ниво, додаде Ристовски.