Разбојници „соголиле“ фудбалски клуб во Венецуела

Играчите на венецуелскиот фудбалски прволигаш Трухиљанос се ограбени „до „гола кожа“ во буквална смисла на изразот, кога се враќале од првенствениот натпревар и поразот од 1-2 на гостувањето кај Монагас.

 

Шестмина вооружени разбојници го запреле автобусот со фудбалерите, па потоа повеќе од два часа ги држеле на нишан и за тоа време им однеле сé што имале во тој момент со себе, вклучително и она во што биле облечени.

 

„Ни земаа апсолутно сé, вклучително и дресовите и копачките и топките“, објави клубот покрај фотографијата на играчите кои останале без маици и обувки како стојат покрај автобусот.