Пронајдена турбина на урнатиот индонезиски авион
Индонезиски поморски тим извади турбина на авионот што се урна во саботата, кратко време по полетувањето од главниот град Џакарта, изјави денеска официјален претставник.– Турбината е пронајдена од поморскиот брод Ригел опремен со тродимензионален сонар, изјави високиот офицер Ори Ронсумбре.
Претходно беа пронајдени делови од авионот и човечките тела за кои се веруваше дека биле во Боингот 737-500 на компанијата „Сривиџаја Ер“, кој исчезна од радарите во саботата, само четири минути по полетувањето од меѓународното пристаниште Соекарно-Хата.
Нуркачите денеска тргнаа во потрага по црните кутии на авионот со 62 патници и членови на екипажот, што се урна во Јаванско море, соопшти морнарицата на Индонезија.
– Утрово нашите нуркачи започнаа да работат на тоа подрачје, рече денеска вицеадмиралот Абдул Расид.
Војската во неделата објави дека се лоцирани црните кутии составени од снимачи на податоци за летови и снимачи на звук во пилотската кабина.
Засега не е позната причината за падот на авионот, но податоците на шведската мрежна страница Флајтрадар 24 покажуваат дека авионот одеднаш забавил и започнал да паѓа кратко по полетувањето.
Популарно од Свет
Ново на Сител
-
Една одлука спасува 8 човечки животи – органодонорството како најголема светилка во животот
-
Тема на денот со Сефер Селими, политички аналитичар
-
Запалени дипломатски возила пред Бугарската амбасада
-
САД и Иран постигнаа договор за прекин на војната и отворање на Ормутскиот теснец
-
Безбедносните експерти со внимателен оптимизам ја следат најавата за можен договор за крај војната САД – Иран
-
Поскапуваат горивата
-
Запалени дипломатски возила пред Бугарската Амбасада
-
Марта Кос: Денеска е “Мега понеделник” за проширување на ЕУ – Украина и Молдавија ги почнуваат преговорите
