Премиера на драмската презентација на поемата „Дениција“ во Охрид
Во продукција на Народниот театар од Охрид и Театарот „Ici et la“ од Париз, вечер во Центарот за култура Охрид, ќе се одржи премиера на драмската презентација на историската поема „Дениција“ на великанот на македонската книжевност Петре М. Андреевски.
Режисер на претставата и автор на оригиналната музика е Константин Плевнеш, во улогата на Петре М. Андреевски настапува првенецот на Драмскиот театар Рубенс Муратовски, Дениција ја игра младата актерка Димитрина Мицкоска, а во улогата на божицата Талија настапува Саша Ефтимова од МОБ.
Сценографијата е на Валентин Светозарев, костимографијата е на Марија Пупучевска, видео-арт Милчо Узунов, додека уметнички советник е Флориан Габер. Во рамките на претставата користени се и пет слики на Сергеј Андреевски на тема „Дениција“.
Претставата е во копродукција со парискиот театар „Ici et la“, а со оглед на фактот што поезијата на Петре М. Андреевски е преведена на француски, предвиден е и настап во повеќе европски метрополи.
Праизведбата на „Дениција“ во Македонија што е подготвувана во изминатите две години се совпаѓа со десетгодишнината од смртта на академик Петре М. Андреевски (1934-2006).
Популарно од Македонија
Ново на Сител
-
Јанша по средбата со Руте: Словенија ќе ја исполни обврската од два отсто за одбрана
-
Кипарската полиција откри 260 килограми кетамин во магацин во пристаништето Лимасол
-
Мицкоски: ВМРО-ДПМНЕ, демократијата и независна Македонија изминатите 35 години беа сопатници низ времето
-
Кратовец осомничен дека прободел со нож полициски службеник
-
За смртта на грчкиот пејач Мазонакис двајца лекари се товарат за убиство со евентуална умисла
-
Активен пожарот кај крушевско Борино, под контрола е на Јаесен и кај село Белица
-
Трамп: Украина и Русија се согласија да не напаѓаат енергетски објекти
-
Павловска-Данева: Интерпретативните одлуки се важен чекор кон развојот на современата уставно-судска практика
