Последна битка за Манбиџ

Сириските сили, кои со поддршка на  коалицијата предводена од  САД  се борат во северниот дел на Сирија во близина на турската граница, соопштија денеска дека го започнале последниот напад, со цел од градот Манбиџ да ги протераат преостанатите џихадисти.

- Ова е последната операција и последниот напад, изјави Шарфан Дарвиш, портпарол на сириските арапски и курдски сили, пренесува Танјуг.

Сириските демократски сили, со воздушна поддршка од коалицијата предводена од САД, минатата недела објави дека ја презеле речиси целосната контрола на Манбиџ, каде преостанале само мал број на борци од Исламската држава.