Почнува 49. Меѓународен семинар за македонски јазик

Во Охрид денеска ќе биде отворен 49. Меѓународен семинар за македонски јазик, литература и култура. 

Како што соопшти организаторот, Универзитетот „Свети Кирил и Методиј“ (УКИМ), семинарот ќе трае до 26 јуни, а истовремено ќе се одржи и 43. Меѓународна научна конференција.

- Овие манифестации одиграа голема улога во афирмацијата на македонскиот јазик, литература и култура во светот, велат од УКИМ.

Меѓународниот семинар за македонски јазик ќе биде отворен во Конгресниот центар на Универзитетот „Св.Кирил и Методиј“ во Охрид.