Песков: Обид да се демонизира Русија

Портпаролот на рускиот претседател Дмитриј Песков денеска оцени дека изјавите на црногорскиот премиер Мило Ѓукановиќ за вмешаноста на Русија во протестите во Подгорица се „целосно чудни“ и дека се дел од постоечките навики да се демонизира Москва.

- Тоа се сосема чудни изјави... Во се бараат ѓавол и притоа продолжуваат да ја демонизираат Русија, тоа е позната забава во многу држави, истакна Песков.

Тој додаде дека очекува дека „ќе надвладее здравиот разум и ќе доминираат трезвени оцени“.

Ѓуканивиќ во интервју за Хрватската радио телевизија (ХРТ) истакна дека „нема сомнеж дека Русија имала, и понатаму има, активна улога во антивладините протести“.