Парламентот ја одобри новота туниска влада

Новата туниска влада на премиерот Јусеф Шахед доцна синоќа ја доби довербата во парламентот.

Пред тоа, тој предупреди дека усвојувањето на програмата за штедење ќе биде неизбежно ако Тунис не ги надмине економските потешкотии.

Новиот кабинет, кој е на национално единство, беше поддржан од 167 од 217-те пратеници.

Шахед вети дека новата влада ќе преземе тешки одлуки за да го промовира растот на економијата и да создаде работни места под притисок на меѓународните кредитори за реформи и намалување на јавната потрошувачка.

Новата влада на Шахед е широка коалиција од световни, исламистички и левичарски партии, независни и синдакалисти, преку кои тој смета дека можат да бидат извршени економските реформи.

- Ако ситуацијата остане иста и во 2017 година, ќе треба политика на штедење, како и да отпуштање илјадници вработени од јавниот сектор и воведување нови даноци, изјави новиот премиер пред пратениците пред гласањето на неговата влада.