Нова пешачка патека во село Драчево

Жителите на село Драчево ќе добијат ново место за прошетки и рекреација. Општина Кисела Вода отпочна со изградба на пешачка патека долж каналот на реката Мала Рада. 

Пешачката патека че се протега во должина од околу 530 метри, ширина од 1.80 метри и ќе биде поплочена со павер елементи. Љубителите на пешачењето и рекреацијата, соопштија денеска од Општина Кисела Вода, патеката ќе можат да почнат да ја користат од крајот на идната недела, кога треба да завршат градежните активности на фирмата „Пелагонија Гостивар”.

За изградбата на оваа пешачка патека, општина Кисела Вода од својот буџет има издвоено 2.123.000 денари.