Над 140 нови случаи на коронавирус во земјава

Во Институтот за јавно здравје досега се регистрирани 144 новозаболени, од кои 69 се од Скопје, a се очекуваат резултатите од уште една приватна лабораторија со што се очекува бројката на новозаразени да расте, пишува Курир.

Со тоа продолжува растот на бројот новозаразени, откако вчера беа потврдени 175 случаи на инфекција со коронавирусот и пет смртни исходи. Така, без најновите податоци, за последните десет дена во земјата се регистрирани 1.316 новозаразен и 36 починати.