МЗТ Скопје и Карпош Соколи ќе играат во финалето

Екипите на МЗТ Скопје Аеродром и Карпош Соколи ќе играат во финалето на кошаркарскиот шампионат на Македонија. 

 

Двете екипи со максимални 3-0 во победи ги добија полуфиналните дуели против Куманово и Работнички. 

 

Бранителот на титулата МЗТ Скопје Аеродром во третиот меч против Куманово кој се играше попладнево  во малата сала на СЦ „Јане Сандански“ забележа убедлива победа со 84:64.

 

Во салата „Градски парк“, екипата на Карпош Соколи беше подобра од Работнички со 76:65 и со конечни 3-0 во победи се избори за своето прво финале во плејофот. 

 

Финалната серија ќе се игра во три добиени натпревари, наизменично дома-госити, а според календарот треба да започне во недела. 

 

Сепак, потврда за првиот финален меч се очекува утре од канцеларијата на МКФ. Предноста на домашниот терен ќе ја има МЗТ Скопје.