Меркел: Германија не може да ги прими сите мигранти

Европа се соочува со ситуација која не е достојна за самата Европа. Германија треба да им понуди азил на тие кои пристигнуваат од воените зони, но не може да ги прими сите мигранти, изјави германската канцеларка Ангела Меркел во разговор со граѓаните на Дуизбург, каде има голема мигрантска заедница.

Меркел истакна дела Германија ќе го олесни воспоставувањето на центар за азил и дека сојузната Влада ќе ја зголеми поддршката за покраините и општините за решавање на кризата.

- Економски посилните земји, како Германија можат да поднесат поголем товар, но не можат сами да го решат проблемот. Не може да имаме три или четири земји кои ќе го носат целиот товар. Секој кој не е прогонувам, кој не доаѓа од земјите зафатени од граѓанска војна, не можеме да се однесуваме дека ќе остане. Тоа е тешко. Но, Србија, Албанија и Косово не се земји каде беснее граѓанска војна, истакна Меркел.