Мексиканскиот нарко бос „Ел Чапо“ префрлен во друг затвор

 Мексиканскиот нарко бос Хоакин Гузман, попознат по прекарот „Ел Чапо“, е преместен од затворот во централно Мексико во затвор во градот Сијудад Хуарез, на границата со САД.

Ел Чапо беше уапсен во јануари, шест месеци откако побегна од затворот со максимално обезбедување во централно Мексико, пренесуваат француските медиуми.

И  покрај шпекулациите, неговото преместување нема апсолутно никаква врска со можното предавање во САД, каде го бараат заради убиства и трговија со дрога, наведуваат официјални мексикански претставници.

Тој е преместен за да се спречи неговото евентуално бекство додека траат работите на дополнителното обезбедување на затворот во кој бил во Мексико Сити, наведуваат француските медиуми.

Гузман, шеф на нарко-картелот „Синалоа“, беше еден од најмоќните светски нарко-босови.