Марковски: Нема никаква логика да се воведат „здравствени пасоши“

Инфектологот Вело Марковски во гостувањето во „Детектор“ рече дека треба да се тестираат само оние луѓе кои имаат симптоми.

Според него, исправна е одлуката на надлежните во однос на бројот на тестирања, бидејќи кај асимтоматските случаи многу често се случува да има лажно негативни или лажно позитивни резултати.

Вели дека земјите кои тестирале многу граѓани не поминале подобро од земјите коишто не тестирале во толкав обем.

Во однос на евентуални „здравствени пасоши“ Марковски дека нема никаква логика за спроведување.

-Се надевам дека ќе превладее разумот. Можно е вакви мерки да форсираат производители на тестови. Верувам дека сонцето ќе го направи своето ова лето, рече Марковски.