Македонија одигра нерешено против Италија

Фудбалската репрезентација на Македонија одигра нерешено со Италија во меч од квалификациите за Светското првенство што следната година ќе се одржи во Русија.

На натпреварот во Торино, Италија и Македонија одиграа ,,реми" 1-1.

Иако првата голема можност за гол ја имаше нашиот капитен Пандев чиј удар Буфон го одбрани, сепак Аѕурите беа оние кои први се радуваа.

Џорџо Кијелини во 40.минута му донесе предност на домаќинот.

Вжзадоволби од водството Италијанците во вториот дел повеќе размислуваа за одбраната, а тоа нашите фудбалери знаеја да го казнат. Казната дојде во 70-минута по акцијата на триото играчи кои играа во Серија А. Започна од Несторовски, а по асистенцијата на Пандев, Трајковски успеа да го совлада Буфон за израмнување на 1-1.

Ако, во првиот меѓусебен дуел пропуштивме шанса да ги победиме Италијанците сепак во вториот Македонија го заслужи најмалку едниот освоен бод.

Овој циклус на квалификации црвено-жолтите ќе го заокружат во понеделник кога пред домашната публика ќе имаат можност да ја остварат и третата победа, бидејќи во Струмица ќе гостува аутсајдерот Лихтенштајн.