Лајен: ЕУ подготвува помош за справување со ковид кризата во Индија

Европска Унија подготвува помош за Индија за справување со кризата со ковид-19 откако бројот на новозаболени и смртните случаи достигна рекордни бројки, најави претседателката на Европска комисија, Урсула фон дер Лајен.

– Загрижени сме поради епидемиолошката состојба во Индија. Подготвени сме да ја поддржиме, напиша фон дер Лајен на Твитер.

Во изминатите 24 часа во Индија регистрирани се 349.691 новозаболени лица, што е нова рекордна бројка, четири дена по ред.