Крводарителска акција со граничната полиција во Делчево

 Припадниците на делчевската гранична полиција денеска даруваа крв во Делчево. Акцијата, како што информираа од Општинската организација на Црвен крст, е дел од редовните акции кои трипати годишно се реализираат со делчевската гранична служба и полицијата.

– Во рамки на акцијата која се одржа во салата на Регионалниот центар за гранични работи – Исток делчевските граничари и полицајци подарија 26 крвни единици. Благодарност до сите припадници на МВР кои даруваа крв, истакнаа од Црвен крст Делчево.

Оттаму информираа дека следната акција со граѓаните во Делчево е планирана за наредната недела.

– Акцијата со хуманите граѓани на Делчево ќе се одржи на 10 октомври. Истата ќе се реализира во просториите на Општинската организација на Црвен крст со почеток во 10 часот за што упатуваме повик сите кои имаат желба да даруваат да се приклучат на истата, додадоа од Црвен Крст Делчево.

Денешната крводарителска акција се реализираше согласно протоколите за заштита од вирусот Ковид-19.