Инцидент кај Куклица: Уапсена 41-годишна жена од Кратово поради напад врз посетители

Полициски службеници од Одделението за внатрешни работи Кратово вчера во 19:30 часот ја лишиле од слобода С.Д. (41) од Кратово, по претходна пријава за физички напад.

Според пријавеното, на 2 август околу 18 часот, на локалитетот „Куклица“, жената физички нападнала повеќе лица кои биле посетители на локалитетот.

По насоки на јавен обвинител, С.Д. била приведена во полициска станица, а против неа ќе биде поднесена соодветна пријава.