Голем пожар кај Приштина предизвика штета од еден милион евра

Пожар избувна во фабрика за производство на кеси во селото Брњица, во општина Приштина. Синот на сопственикот на фабриката, Ндерим Бериша, рече дека вредноста на штетата е проценета на наед еден милион евра.

Бериша вели дека сè уште не е позната причината за пожарот и дека истражителите работат на случајот, пренесува Косово онлајн.

„Штетата е прилично голема. Имаме околу 30 вработени. Во времето на пожарот во фабриката имаше втора и трета смена, во 17 часот. Имаше седум или осум работници, но за среќа никој од нив не беше повреден. Важно е сите да бидат добро. „Штетата е од еден милион до 1,5 милиони евра. Тоа е вредноста на материјалите и автомобилите што беа таму. Ние започнавме со производство на кеси во 2004 година”, рече Бериша.