Германија и Франција оптимисти за прашањето на грчкиот долг

Министрите за финансии на Франција и на Германија изразија синоќа во Вашингтон оптимизам за можноста да биде постигнат договор за прашањето за долгот на Грција. Тие одново повторија дека е неопходно ММФ да го продолжи своето учество во плановите за спасување на економијата на таа држава.

- Го искористивме тоа што во Вашингтон се собраа многу политички и финансиски шефови за да напредуваме во вистинска насока, изјави на прес конференција францускиот министер за финансии Мишел Сапен.

Во Вашингтон тој и грчкиот колега Евклидис Цакалотос учествуваа во пролетни средби на ММФ и Светска банка.

– Контактите ветуваат дека би требало да можеме да добиеме договор на неофицијалната средба во Амстердам на 22 и 23 април на 28-те министри за економија и финансии во ЕУ, вели тој.

Грција се обидува да постигне договор со кредиторите за продолжување на планот за спас донесен во летото 2015 година. ММФ најави дека ќе учествува само ако Атина преземе нови реформи и ако Европа сака да отпише дел од грчкиот долг.