ФИФА ја казни Србија со 180.000 евра

 

Дисциплинската комисија на Светската фудбалска асоцијација (ФИФА) му изрече висока партична казна, од 215.000 швајцарски франци или околу 180.000 евра, на Фудбалскиот сојуз на Србија (ФСС) поради инцидентите кои ги предизвикаа српските навивачи во Мундијалските квалификации. 

 

ФИФА санкционирала вкупно шест инциденти, а најблагиот е поради доцнењето на мечот против Ирска, па се до инцидентите на дуелите со Австрија и Грузија, како и недоличните транспаренти и скандирања. 

 

Поголемите казни на ФСС се поради политички пароли кои содржеле дискриминација како и недолчно однесување на навивачите на мечот во Виена, во висина од 90.000 швајцарски франци, додека за организацијата на мечот во Белград казната изнесува 70.000 швајцарски франци. 

 

Воедно, ФИФА ја предупреди ФСС дека следните прекршоци би донеле и многу поголеми последици и казни.