Фејсбук укина повеќе десетици илјади апликации
Kомпанијата Фејсбук соопшти дека суспендирала „десетици илјади“ апликации кои ги направиле 400 програмери, во рамките на истрагата со скандалот за проследување лични податоци на корисници на оваа мрежа на консултантската компанија „Кембриџ аналитика“.
Соопштението е објавено истиот ден кога правните документи во Масачусетс открија дека Фејсбук укинал 69.000 апликации.
Во повеќето случаи, сепак, укинувањето не следувало после сериозни истраги, туку затоа што програмерите на апликациите не успеале да одговорат на барањата за бараните информации.
Од март 2018 година, Фејсбук почна да се занимава со апликации кои имаат пристап до податоци на корисниците, откако беше откриено дека компанијата Кембриџ Аналитика на тој начин користела приватни податоци на милиони корисници во обид да влијае врз изборите во САД.
По избувнувањето на скандалот, Фејсбук беше изложен на посебно внимание на американската и европските влади, а извршниот директор Марк Закерберг сведочеше пред Конгресот.
Фејсбук објави дека истрагата е во тек и оти до сега се прегледани милиони апликации.
Ново на Сител
-
Израел изврши напад во јужен Либан по стапувањето во сила на прекинот на огнот, јавува ННА
-
Кривична за директор на градинка во Штип, го оштетил буџетот на општината и градинката за над 7,7 милиони денари
-
Сиљановска-Давкова на промоција на иницијативата за обновување и одржлив развој на Галичник
-
СП 2026: Ноер се повлекува од репрезентацијата по Мундијалот
-
Маѓар: ЕУ не смее да ги заобиколи земјите од Западниот Балкан на сметка на Украина
-
Поранешниот прв човек на ФФМ Илчо Ѓорѓиевски со уште две лица одат во 30-дневен притвор, за пет лица одреден куќен притвор
-
АХВ работи на нова одлука за надоместоците на ветеринарните друштва, тие се жалат дека се во тешка финансиска состојба
-
Секој петти Европеец страда од ментално заболување
