Ердоган: Турција има резервни планови ако договорот со ЕУ за безвизен режим не се оствари

Турција има резервни планови ако договорот меѓу земјата и ЕУ за безвизниот режим за турските граѓани не се оствари, изјави турскиот претседател Реџеп Таип Ердоган на заедничката прес-конференција со словенечкиот претседател. 

- Турција има и план „Б“ и план “В“ ако договорот со ЕУ за визите не се реализира, порача Ердоган.

Воведувањето на безвизен режим за кус престој на турските граѓани е една од точките на договорот меѓу Брисел и Анкара за ограничување на миграцискиот поток кон ЕУ. 

Анкара требаше да исполни вкупно 72 барања од ЕУ, за да си обезбеди укинувањето на визите.

Плановите за укинување на визите наидоа на пречки поради одбивањето на Турција да го исполни барањето на ЕУ за промена на антитерористичките закони. 

Турција истакна дека треба да ги задржи тие закони без промени, аргументирајќи дека има многу закани за нејзината безбедност.