Ердоган: Тероризмот е најголем проблем за муслиманскиот свет

Тероризмот е најголемиот проблем за муслиманскиот свет, изјави денеска турскиот претседател Реџеп Тајип Ердоган, објавувајќи дека земјите-членки на Организацијата за исламска соработка (ОИК) ги усогласиле ставовите за формирање заедничко тело за борба против тероризмот.

Ердоган обраќајќи се на 13. Самит на ОИК во Истанбул изјави дека предлогот на Турција за отварање центар за полициска соработка го прифатиле 57-те членки на Организацијата. 

Турскиот претседател исто така ги повика лидерите да ја поддржат иницијативата на Саудиска Арабија да се воспостави исламска алијанса против тероризмот.

- Повеќето жртви на тероризмот се муслимани, наведе Ердоган, а како извор на срам го нарече тоа што повеќето од оние кои бегаат во Европа се муслимани.

Борбата против тероризмот и мигрантската криза се двете централни прашања, кои се разгледуваат на состанокот на ОИС во Истанбул оваа недела.